Rapyd vill koma því á framfæri að í fyrramálið, þann 14.apríl, verða gerðar breytingar á meðhöndlun íslenskrar krónu í alþjóðlegum kerfum kortafyrirtækjanna Visa og American Express, og daginn eftir þann 15. april í kerfum Mastercard. Þessi kerfisbreyting er gerð að frumkvæði kortafyrirtækjanna til að lagfæra ósamræmi gagnvart ISO staðli um gjaldmiðla og getur haft áhrif á það hvernig upphæðir færslna birtast korthöfum.

Rapyd og alþjóðlegu kortafyrirtækin eiga ekki von á að upp komi vandkvæði í tengslum við þessa breytingu enda hefur undanfarið verið unnið að því að fyrirbyggja slíkt. Ef óvænt tilvik koma upp sem varða misræmi í upphæðum þá hvetjum við korthafa til að hafa samband við viðskiptabanka sinn og söluaðila að hafa samband við Rapyd til að fá það leiðrétt.